Samverur á fimmtudögum kl. 10 -12 í safnaðarheimili Bústaðakirkju

Foreldramorgnar, eitthvað fyrir mig/okkur?

Foreldramorgnar eru samverustundir fyrir foreldra og börn þeirra og henta einkum þeim sem eru í fæðingarorlofi eða eru heimavinnandi. Markmiðið með foreldramorgnum er að efla félagsleg tengsl foreldra og barna þeirra í Bústaðarsókn. Stærra félagsnet kemur þér alltaf til góða og er styrkur inn í framtíðina fyrir þig og barn þitt. Boðið er upp á hressingu á mjög vægu verði í vinalegu og eflandi umhverfi kirkjunnar.

Hvar er hist?

Við hittumst vikulega í Bústaðarkirkju við Tunguveg, nánar tiltekið í Ólafsstofu, gengið er inn í safnaðarheimili. Þú mætir einfaldlega á bilinu 10:00-12:00 þegar þér hentar, en ekki þarf að skrá né tilkynna komu fyrirfram. Allir eru hjartanlega velkomnir, láttu sjá þig!
Umsjón með foreldramorgnum hefur Kristín V. Þórðardóttir