FYRSTA GEISLAVARNARBYRGI LANDSINS ER UNDIR
BÚ STA Ð AKIRKJU

Frétt í Tímanum 5. nóvember árið 1970
SB—Reykjavík, miðvikudag.

Fyrsta geislavarnarbyrgi, sem byggt er sem slíkt á landinu, er í kjallara Bústaðakirkjunnar nýju. Byrgið er alls um 300 fermetrar að stærð og sérstaklega járnbent og styrkt með stálsúlum. Á byrginu er tveir sérstaklega gerðir neyðarútgangar. Almannavarnir hafa staðið straum af aukakostnaði við útbúnað byrgisins.

Otto A. Michelsen, safnaðarformaður Bústaðasóknar, sýndi blaðamanni Timans geislabyrgið í dag. Það er undir safnaðarheimili kirkjunnar og hægt er að komast þangað niður eftir tveim leiðum innan úr kirkjunni og þrem leiðum utan frá. Eins og þarna niðri lítur nú út, er hálf óhuggulegt um að litast, dimint og kalt, enda upphitun ekki komin enn og engir gluggar eru að siálfsögðu á geislavarnarbyrgjum. Byrgið er tvö aflöng herbergi, gangur og salerni. Veggirnir eru sérstaklega járnstyrktir og sjö miklar stálsúlur styðja undir loftið. Fjórar loftvarnar hurðir loka inngöngum í byrgið að innan, en tveir sérstaklega gerðir neyðarútgangar verða á því. Þeir eru þannig útbúnir, að þeir opnast af þrýstingi innan frá, en ekkert þarf að skrúfa. Síðan eru stutt jarðgöng og yfir enda þeirra kemur eins konar hlemmur. Þegar búið er að ganga frá öllu, verða sett þar inn teppi, matvæli og annað slíkt.

Ottó sagði, að yfirvöld virt ust hafa áhuga á að, fylgjast með framkvæmdum við þetta byrgi og hefðu nokkrir aðilar komið og skoðað það. Þá sagðist hann ekki vita annað, en þetta væri fyrsta geislaheimili, sem byggt væri á landinu, en á nokkrum stöðum hefði byggingum verið breytt, þannig að þar væru neyðarbyrgi.

Almannavarnir hafa staðið straum af þeim kostnaði, sem fór í að styrkja veggina sérstaklega, svo og inn- og útgöngum, en byrgið er í eigu Bústaðasóknar.

Þá sagði Ottó, að vinnupallar yrðu teknir frá kirkjunni nú um helgina, ef nógu margir sjálfboðaliðar fengjust. Útivinnu er nú alveg að ljúka og múrhúðun innanhúss hefst væntanlega í næstu viku.