Samverur á fimmtudögum kl. 10 -12 yfir vetrartímann Foreldramorgnar, eitthvað fyrir mig/okkur? Foreldramorgnar eru samverustundir fyrir foreldra og börn þeirra og henta einkum þeim sem eru í fæðingarorlofi eða eru heimavinnandi. Markmiðið með foreldramorgnum er að efla félagsleg tengsl foreldra og barna þeirra í Bústaðarsókn. Stærra félagsnet kemur þér alltaf til góða og er styrkur inn í framtíðina fyrir þig og barn þitt. Boðið er upp á hressingu á mjög vægu verði í vinalegu og eflandi umhverfi kirkjunnar.
Umsjón með foreldramorgnum hefur Ellen María Þórólfsdóttir.
Hvar er hist? Við hittumst vikulega í Bústaðarkirkju við Tunguveg, nánar tiltekið í Ólafsstofu, gengið er inn austan megin (við Bústaði). Þú mætir einfaldlega á bilinu 10:00-12:00 þegar þér hentar, en ekki þarf að skrá né tilkynna komu fyrirfram. Allir eru hjartanlega velkomnir, láttu sjá þig!
Uppákomur Á hverjum fimmtudegi milli 10:45 –11:00 opnum við fyrir “málhornið” en þá gefst þátttakendum, prestum og fyrirlesurum tækifæri á að koma á framfæri upplýsingum, athugasemdum eða hugrenningum. Með þessu gefst þér tækifæri á að hafa áhrif á starfssemi vetrarins. Önnur fræðsla, fyrirlestrar og aðrar uppákomur verða kynntar jafnóðum á heimasíðu Bústaðarkirkju á www.kirkja.is
Bústaðakirkja á heimasíðu www.kirkja.is Þar viljum við reyna að hafa allar upplýsingar um starfið og ýmsa aðra þætti.
Rúm er fyrir góða pistla á síðunni og ef þið viljið láta í ykkur heyra þá skrifið endilega til
sigurbjorn@kirkja.is eða
palmi@kirkja.is