Jóhanna V. Þórhallsdóttir alt hefur sungið með Kammerkór Bústaðakirkju um nokkurra ára skeið við ýmis tækifæri. Í Menntaskólanum við Hamrahlíð söng hún með menntaskólakórnum undir stjórn Þorgerðar Ingólfsdóttur og stofnaði hljómsveitina Diabolus in Musica sem gaf út tvær plötur. 1976 og 1978 Jóhanna söng með Háskólakórnum undir stjórn Hjálmars H. Ragnarssonar og fór í söngnám hjá John Speight í Tónskóla Sigursveins D. Kristinssonar. Þaðan lá leiðin í framhaldsnám í Royal Northern College of Music í Manchester og síðan í einkatíma til London og einnig Piacenza í Ítalíu og Vínarborgar í Austurríki.
Jóhanna hefur komið fram sem einsöngvari með Sinfóníuhljómsveit Íslands, Kammersveit Reykjavíkur, sungið í óperum hjá Íslensku hljómsveitinni og Óperusmiðjunni. Einnig sungið og leikið hjá Alþýðuleikhúsinu og í Hvunndagsleikhúsinu og hjá Leikfélagi Reykjavíkur. Hún hefur haldið tónleika á Norðurlöndum, í Englandi og á Ítalíu. Þá hefur Jóhanna raddþjálfað Kvennakór Reykjavíkur, Háteigskirkjukórinn, Karlakórinn Stefni, kór Íslendinga í Lundi og Kirkjukór Íslendinga í Kaupmannahöfn. Auk þess að stjórna Barna- og Unglingakórum Bústaðakirkju stjórnar hún Léttsveit Reykjavíkur og kennir söng við Söngskóla Sigurðar Dementz.
Jóhanna hefur gefið út tvo sólódiska; Flauelsmjúkar hendur 1997 og Lágnætti árið 2004
Margret Helga Kristjánsdóttir
Nathalía
Druzin Halldórsdóttir hóf tónlistarnám ung að aldri í Tónlistarskóla Kópavogs
og lærði á flautu og píanó fram á unglingsár. Á háskólaárum sínum fór hún
að sækja söngtíma og má segja að eiginlegt söngnám hafi hafist í Pétursborg í
Rússlandi þar sem hún dvaldi í eitt á sem nemandi við háskólann þar í borg. Nathalía
stundaði síðan söngnám hjá Elísabetu F. Eiríksdóttur og John Speight í nokkur
ár meðfram námi og vinnu. Árið 2003
hóf hún nám við Nýja Tónlistarskólann þar sem hún hefur verið nemandi Alinu
Dubik. Árið 2006 lauk hún 8.stigi undir handleiðslu Alinu og Jónasar Sen. Nathalía
hefur tekið þátt í óperuuppfærslum á vegum Sumaróperunnar, Íslensku óperunnar
og hjá Óperustúdíói Íslensku Óperunnar þar sem hún fór með hlutverk Zitu í
Gianni Schicchi árið 2007. Hún hefur komið fram sem einsöngvari á fjölmörgum
tónleikum og við kirkjulegar athafnir. Í janúar 2009 kom hún fram sem
einsöngvari með Sinfóníuhljómsveit Íslands. Nathalía er
með BA próf í rússnesku og bókmenntafræði frá HÍ, auk þess sem hún stundar MSc
nám í viðskiptafræði við sama skóla.
Svava
Kristín Ingólfsdóttir stundaði söngnám við Söngskólann í Reykjavík þaðan sem
hún lauk söngkennaraprófi. Kennarar
hennar þar voru m.a. Katrín Sigurðardóttir, Þuríður Pálsdóttir og Jórunn Viðar. Hún hélt til framhaldnáms í söng og sótti
einkatíma hjá Prófessor André
Orlowitz í Kaupmannahöfn og hjá Sten
Sjöstedt í Gautaborg. Svava hefur líka
lokið kórstjórnarnámi frá Tónskóla Þjóðkirkjunnar og tók nú síðasta vetur 1.
árs diploma í Complete Vocal Technique.
Svava
hefur starfað bæði hér á landi, í Danmörku og í Svíþjóð við söng, söngkennslu
og kórstjórn.
Hún
hefur sungið með atvinnukórum eins og Kammerkór Langholtskirkju, Hljómkórnum, Kór
íslensku óperunnar, þjóðleikhúskórnum og nú með Kammerkór Bústaðakirkju.
Sem
einsöngvari hefur Svava sungið á fjöldamörgum einsöngstónleikum, sungið
hlutverk í kirkjuverkum og komið fram sem einsöngvari við fjölda mörg önnur
tilefni. Hún hefur starfað með
tónlistartríóinu Kötlu frá upphafi en þau hafa komið fram á fjölda mörgum tónleikum
bæði hér á landi og á Norðurlöndunum, þar sem þau hafa flutt íslenska tónlist,
allt frá okkar elstu þjóðlögum til nútímatónlistar.
Á
efniskrá Svövu er klassísk ljóð og óperuaríur, kirkjulegar aríur, íslensk
þjóðlög, sönglög, dægurlög og djass.
Frekari
uppl. er hægt að fá hjá Svövu á netfangi svavaki@simnet.is
og síma 867 7882