Öllu helgihaldi aflýst um áramót.

27.12.2021

Öllu helgihaldi og auglýstri dagskrá um áramótin í Fossvogsprestakalli aflýst, vegna fjölgunar Covid smita Í dag, mánudaginn 27. desember 2021, sendi biskup Íslands, eftirfarandi skilaboð til presta, sókna og safnaða þjóðkirkjunnar : Sæl kæra samstarfsfólk Gleðilega jólarest og farsæld á nýju ári. Hér með tilkynnist að ég hef tekið ákvörðun, í ljósi hraðrar útbreiðslu veirunnar og vaxandi fjölda smitaðra, að engar auglýstar guðsþjónustur verða í kirkjum landsins nú um áramótin og a.m.k. þar til nýjar sóttvarnarreglur verða birtar á nýju ári. Ekkert helgihald verður því í kirkjum landsins en bent á upptekið helgihald í sóknarkirkjunum sé það fyrir hendi og útvörpuðu helgihaldi í ríkisútvarpinu Rás 1, kl. 18 á gamlársdag og kl. 11 á nýjársdag sem og kl. 11 sunnudaginn 2. janúar. Guð blessi ykkur í lífi og starfi og gefi styrk á erfiðum tímum.

Í Fossvogsprestakalli bendum við á helgihald á vefjum safnaðanna og samfélagsmiðlum. Einnig á helgihaldið í ríkisútvarpinu, líkt og biskup bendir á. Saman skulum við huga hvert að öðru og bera hvert annað á bænarörmum. Gleðileg jól, með þökkum fyrir árið sem er að líða. Megi komandi ár vera ykkur öllum blessunar- og gæfuríkt.