Sumardagurinn fyrsti haldinn hátíðlegur í Fossvoginum. Við þökkum vel heppnaðan dag og óskum ykkur gleðilegs sumars. 

Séra Petrína Mjöll Jóhannesdóttir, prestur í Árbæjarkirkju, var gestur í eldri borgarastarfinu í Bústaðakirkju í dag. Við þökkum séra Petrínu Mjöll fyrir að koma til okkar og fræða okkur og kynna bækur sínar. Við þökkum ykkur öllum sem komu í starfið í dag og hlökkum til að sjá ykkur næst. 

Fermingarbörn ársins 1964 voru boðin sérstaklega velkomin í tilefi af 60 ára fermingarafmæli þeirra til messu síðastliðin sunnudag og í hátíðarkaffi á eftir. 

Skráning er hafin í fermingarfræðslu næsta vetrar. Hægt er að velja fermingardag og fræðslu tíma í skráningunni. Afar mikilvægt er að skrá netfang sem fólk fylgist reglulega með.

Vinir Hjálparstarfs kirkjunnar koma saman í safnaðarheimili Grensáskirkju mánudaginn 29. apríl kl. 12:00 og snæða saman. Öll sem hafa áhuga á starfi Hjálparstarfs kirkjunnar og vilja leggja starfinu lið eru hjartanlega velkomin. 

Aðalsafnaðarfundur Bústaðasóknar fór fram sunnudaginn 21. apríl sl., að lokinni messu. Við þökkum öllum komuna á aðalsafnaðarfund Bústaðasóknar og fyrir þátttökuna í helgihaldi dagsins. 

Séra Þorvaldur Víðisson prestur í Fossvogsprestakalli hefur verið ráðinn prófastur í Reykjavíkurprófastsdæmi vestra frá 1. júní nk. Við biðjum honum blessunar í þeim nýju verkefnum, en hann mun áfram þjóna sem prestur í Fossvogsprestakalli, samhliða skyldum prófasts. 

Séra Daníel Ágúst Gautason æskulýðsprestur Fossvogsprestakalls leiddi annan biblíulestur Presta- og djáknastefnu sem fram fór í Stykkishólmskirkju. Á myndinni má sjá séra Daníel Ágúst í pontu fyrir framan altarið og að baki honum hin stórkostlega altaristafla eftir Kristínu Gunnlaugsdóttur.

Eskild Momme frá Frobenius orgelverksmiðjunni í Danmörku kom í heimsókn í Bústaðakirkju fyrir skömmu. Við þökkum Eskild fyrir komuna.

Aðalsafnaðarfundur Grensássóknar fór fram í safnaðarheimili Grensáskirkju að lokinni messu sunnudaginn 14. apríl sl. kl. 12:05. Hefðbundin aðalfundarstörf fóru fram. Við þökkum ykkur þátttökuna í helgihaldi dagsins og á aðalsafnaðarfundi Grensássóknar. 

Nemendur Fjölbrautarskólans við Ármúla héldu listasýningu í safnaðarheimili Grensáskirkju dagana 20. mars til 10. apríl sl. Hanna Jónsdóttir myndlistarkennari fór fyrir hópnum, en hér til hliðar má sjá hana ásamt hluta af nemendahópnum, þar sem þau komu saman í sýningarlok. Við þökkum gott og skemmtilegt samstarf. 

Kátur hópur eldri borgara frá Álftanesi, Bessastaðakirkju, heimsótti eldriborgara starf Fossvogsprestakalls í Bústaðakirkju í gær, miðvikudaginn 10. apríl. Barnakór Fossvogsskóla söng fyrir gesti í kirkjunni. Við þökkum vinum okkar af Álftanesi fyrir komuna og hlökkum til að hitta þau aftur.